Адеми се сретна со албанскиот амбасадор Река

Министерот во Владата, задолжен за дијаспората, Едмонд Адеми денеска имаше средба со албанскиот амбасадор во Република Македонија.

На средбата министерот Адеми истакна дека Владата на Република Македонија дава политичка тежина на односите на дијаспората и со ова покажува дека желбата е исто толку голема, колку и самата волја да се интегрира дијаспората.

Исто така, беше нагласено дека поставувањето на темелите за заедничка соработка е главен столб за зајакнување на односите помеѓу државата и дијаспората. Министерот изрази благодарност за поддршката на Република Албанија за Република Македонија, и е отворен за понатамошна соработка во областите од заеднички интерес.

Амбасадорот Река рече дека е убеден дека Македонија и Албанија ќе напредуваат заедно, бидејќи имаат многу заеднички работи и дека резултатот ќе биде корисен, затоа што ќе се иницира понатамошната соработка. Исто така, истакна дека министерот Адеми има јасна визија за дијаспората и желбата да се помогне на дијаспората, што е многу важен и клучен елемент. соопшти кабинетот на Адеми.