АБА: МЗТ убедливо го совлада Задар

Кошаркарите на МЗТ ја прекинаа низата од пет порази во АБА лигата со убедливиот триумф над Задар 92:65. Македонскиот шампион против Задар ја забележа петтата победа во регионалната конкуренција.

МЗТ против Задар го одигра најдобриот меч во сезоната, од почетокот до крајот кошаркарите на македонскиот првак доминираа на двете страни од теренот, а противникот го декласираа во последните 15 минути.

Дреновац и Скот постигнаа по 18 поени, Симоновски 17, Клоф уфрли поен помалку, а Лалиќ застана на 12 поени.