АБА лига: МЗТ Скопје испушти победа во Загреб

Македонскиот првак МЗТ Скопје пропушти триумф на тешкото гостување кај Цибона во Загреб каде дури во продолжение загуби со 87-85.

Аеродромци имаа водство од 8 поени на стартот на последната четвртина но дозвоија на 15 секунди пред крајот домаќинот преку тројка да го израмни резултатот по што металците имаа напад но се сплеткаа и не успеаја да реализираат. 

Во продолжението домашните повторно со тројка го срушија МЗТ и се радуваа на значајна победа во јадранското натпреварување. 

МЗТ играше со новиот тренер Драган Николиќ  и најави подобри денови во Јадранската лига. 

Мајк Кафи со 19 и Страхиња Миќовиќ со 17 поени беа најпрецизни кај „металците“.

Македонскиот шампион на крајот од првата полусезона во АБА има скор 2-11, во пресрет на гостувањето кај Партизан следниот викенд во Белград.