8-годишното дете било искасано на главата и вратот, искрварело на пат кон болница

Жителите на Пинтија се длабоко потресени од смртта на 8-годишното дете кое вчера до смрт било искасано од куче на соседот. Родителите се обиделе да сторат сè за да го спасат нивното синче, но за жал детето искрварило до смрт уште пред да биде донесено во болница. Директорот на Клиниката за хируршки болести „Свети Наум Охридски“ за порталот изјави дека дежурната екипа направила сè за да го реанимира момчето, но како што вели тоа веќе искрварило.

- Во Клиниката пристигнале со приватно возило, но веќе било предоцна. Момчето има големи и длабоки рани како резултат на гризање во пределот на главата и во вратот каде се наоѓа главната каротидна артерија. Токму таму било изгризано, заради што и веднаш исрварило. Тимот лекари се обиделе да го реанимираат, но за жал детето, како што реков било мртво уште пред да стигнат во болница, посочува д-р Арсенков за Фактор.