70-годишен маж од Неготино починал при превртување на трактор

Вчера во 20.20 часот во Полициска станица Неготино, Ѓ.В.(52) од с.Тимјаник пријавил дека во место викано„Бели Брест“ во близина на неговиот лозов насад од страна на Ј.М. сожител од с.Тимјаник бил пронајден неговиот дедо С.Р.(70) од с.Тимјаник со превртен трактор без знаци на живот.

На местото на настанот излегла увидна екипа од Полициска станица Неготино и доктор од итна медицинска помош Неготино при што констатирале дека при излегување од нива кон колскиот пат со мала удолница тракторот се превртел, и С.Р. бил потиснат од возилото. Од доктор биле констатирани повреди од кои лицето починало.

За настанот е запознаен јавен обвинител, пишуваат од МВР.