65 годишник со автомобил удрил во мајка и син во Аеродром па ги претепал
Основното јавно обвинителство Скопје донесе наредба за спроведување истражна постапка против 65-годишник кој поминувајќи на црвено удрил во друго возило, а потоа ги нападнал оштетените нанесувајќи тешки телесни повреди на еден од нив.
Како што соопштија од Јавното обвинителство, за лицето постои основано сомнение дека сторило кривично дело – „насилство“ и „предизвикување општа опасност“.
- Осомничениот 65-годишник, на 27.12.2023 година, на булеварот „Јане Сандански“ во Скопје предизвикал значителна опасност за двајца оштетени – мајка и син, а извршил и грубо насилство кон оштетената жена, нанесувајќи и тешки телесни повреди. Додека оштетените со своето возило се движеле по булеварот кон својот дом, осомничениот ги удрил со неговиот автомобил, непрописно поминувајќи преку пешачки премин на црвен семафор. Оштетениот кој управувал со возилото тргнал по осомничениот и на следната крстосница излегол за да го праша зошто ги удрил. Осомничениот тогаш излегол од автомобилот со нож во раката и почнал да му се заканува, стои во соопштението од Јавното обвинителство.
Оттаму дополнуваат дека исплашен, оштетениот се вратил во возилото во кое била и неговата мајка, но осомничениот повторно влегол во неговиот автомобил и тргнал во рикверц, повторно удирајќи во возилото на оштетените.
- Расправијата продолжила, а кога од автомобилот излегла и мајката, осомничениот ја фатил за коса и започнал да ја влече, насилно ја турнал во неговиот автомобил и започнал да вози во правец кон Лисиче. По околу 600 метри застанал, ја извадил жената од колата и физички ја нападнал, удирајќи ја со клоци и тупаници и заканувајќи и се дека ќе ја фрли во Вардар. На тој начин на оштетената и нанел тешки телесни повреди – три скршеници и потрес на мозок, а кај сведоци на настанот предизвикал чувство на загрозување и страв, дополнуваат оттаму.
Јавниот обвинител до судијата на претходна постапка од Основниот кривичен суд Скопје доставил предлог за определување мерка притвор за осомничениот, бидејќи постои опасност од бегство и можност тој да ги повтори кривичните дела.
Ново на Сител
-
Хоспитализирани уште три лица со голема кашлица, вкупно 981 случај во државава
-
Мицкоски: Се очекува ДУИ да преземе чекори за дестабилизација на државата
-
Комисијата за финансирање прифати само два амандмана - за исплата на администраторите на избирачкиот процес и за платено политичко рекламирање
-
Пожар предизвика застој на патот од Солун до Евзони, возилата се пренасочуваа кон Дојран
-
Суспензија и кривична за членот на обезбедувањето на Гаши кој извадил пиштол на скопскиот аеродром
-
Еуросупер БС 95 и дизелот поевтинуваат за половина денар
-
Курти: Официјалниот извештај ќе го расветли инцидентот со Османи на Скопскиот аеродром за никогаш повеќе да не ни се повторат вакви ситуации
-
Мицкоски: Османи е секогаш добредојдена, но секој подлежи на стандардни безбедносни проверки