58 нови случаи на КОВИД-19 во земјава
Во изминатото деноноќие се регистирани 58 новозаразени пациенти со коронавирус во Македонија, објави „Фактор“.
Според неофицијалните извори, најголем број заразени има во скопските општини Сарај, Чаир и Бутел.
Во тек е состанок на Комисијата за заразни болести.
Ова е најголем број новозаразени со ковид-19 досега откако почна да опаѓа бројот на пред неполн месец. На 12 април беа регистирани 68 новозаразени во еден ден. Првиот случај беше регистиран на 26 февруари. Вчера Министерството за здравство информираше за тројца починати и 38 новозаразени со ковид-19. И во екот на заразата со ковид-19 никогаш досега немало 58 новозаразени во еден ден.
Од среда, 27 мај Владата го укина полицискиот час кој беше на сила повеќе од два месеци, а од вчера работат кафеаните и рестораните по посебни протоколи.
Вкупната бројка на ковид дијагностицирани во нашата земја од почетокот на епидемијата изнесува 2.077, бројката на оздравени пациенти е 1.486, на починати е 122, а во моментов бројот на активни случаи во земјата изнесува 469. Овие бројки се однесуваат на вчерашниот ден.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка