34-годишник од Кавадарци осомничен за кражби

Полициски службеници од ОВР Кавадарци вчера во 16 часот во Кавадарци го лишиле од слобода 34-годишниот кавадарчанец К.М. 

Како што соопшти Министерството за внатрешни работи, тој е осомничен дека во периодот од 15 август 2023 до 19 септември 2023 од магацин на продажен објект на мобилен оператор во Кавадарци одзел повеќе предмети.

-При претрес во неговиот дом, извршен со судска наредба, биле пронајдени дел од одземените предмети, други предмети кои потекнуваат од кривичното дело и пари, информира МВР.

К.М. бил задржан во полициска станица и по целосно документирање на случајот против него ќе биде поднесена соодветна пријава.