25 лица се заразиле со Ковид-19 на забава во дискотека во Германија

На забава во дискотека во германскиот град Карлсруе, најмалку 25 лица се заразиле со Ковид-19.

Се сомнева дека вирусот го добиле од најмалку двајца заразени гости.

Ова жариште досега донесе вкупно 34 инфекции, изјави надлежниот провинциски секретар Кнут Билер за весникот „Бадише Нојесте Нахрихтен“.

Шестмина целосно вакцинирани лица биле позитивни на Делта сојот.

Инфицираните досега имале типични симптоми на ковид и никој од пациентите досега немал потешка форма на болеста.