100 возачи од ЈСП заминуваат на работа во Германија, ќе работат за плата од 2.600 евра
Од 1 октомври 100 возачи од ЈСП „Скопје“ заминуваат на работа во Мајнц. До крајот на неделава возачите ќе заминат за Германија каде што им се ветени многу подобри услови за работа, како и плата петпати поголема од таа што ја земале во јавното претпријатие, пишува Плусинфо.
Стоте возачи на ЈСП „Скопје“ пред извесно време потпишале договори со германска компанија во еден скопски хотел.
– Најверојатно петок или сабота тргнуваме со колегите за Мајнц. Според договорот, ќе добиваме месечна плата од 2.600 евра и плус дополнително ќе ни се плаќаат екстра саатите кои ќе ги работиме. Компанијата ни вети дека првите два месеца ќе добиеме бесплатно сместување, а потоа најверојатно ќе треба да плаќаме одредена сума околу 200-300 евра – вели изворот.
Тој додава дека од страна на компанијата исто така ќе им биде бесплатно обезбеден код од Словенија со кој потоа ќе можат без проблем да возат и да бидат дел од јавниот превоз на Мајнц.
– Засега ќе патуваме сами, без нашите семејства, но имаме ветување доколку работиме во истата компанија 4 години, потоа ќе ни биде дозволено да ги повлечеме и нашите семејства. Ќе биде тешко без нив во овој период, но ова ние го правиме за подобра иднина на нашите фамилии – додава еден од возачите.
Од ЈСП „Скопје“ ги потврдија информациите дека голем број возачи заминуваат од претпријатието. ЈСП на 19.09.2023 година на нивната интернет страна објави оглас за вработување на нови возачи во претпријатието.
Ново на Сител
-
Макрон: Нема оправдување за нападите врз цивилното население во конфликтот меѓу Израел и Иран
-
Судот во Струга го осуди градоначалникот Мерко со десет илјади евра парична казна
-
Повторно поскапува дизелот
-
ОДИХР: Повеќе од 122 милиони луѓе се раселени ширум светот
-
Израелскиот министер за одбрана Кац и наложил на армијата да ги засили нападите врз целите на иранскиот режим
-
Росатом: Ситуацијата во иранската нуклеарна централа „Бушер“ е „нормална“
-
Третата рунда директни разговори меѓу Москва и Киев се очекува да биде договорена идната недела, истакна Песков
-
Манев: Доцна сфатив дека Палчо има двоен план, член на Десна го уништи синиот ранец со пиштолот и моторолите