Тенис
9. јуни 2021 - 10:16

Зверев закажа полуфинале со Циципас

Александер Зверев се пласираше во полуфиналето на Ролан Гарос првпат во неговата кариера, откако во фантастичен меч со 6:4/6:1/6:1 го совлада младиот Шпанец Алехандро Давидович Фокина.
 
Ова е само третпат Германецот да влезе во полуфинале на еден гренд слем, откако лани загуби од Доминик Тим прво во полуфиналето на Австралија опен, а потоа и во финалето на САД опен. Следен негов противник ќе биде грчкиот тенисер Циципас кој убедливо во три сета го елиминира Русинот Медведев.
 
По двата маратонски меча во претходните две кола, Давидович Фокина едноставно немаше сила за отпор освен во првиот сет, а беше очигледна и неговата фрустрација со слабата игра откако неколку пати го кршеше својот рекет.