Зверев се повреди, може да го пропушти Австралија Опен
Светскиот рекет број 4, Александар Зверев може да го пропушти Австралија Опен. Германецот се повлече од егзибицискиот турнир „Вортлд Тенис Челинџ“ во Аделаида поради повреда во феморалната тетива зад коленото.
Зверев изјави дека се повредил за време на тренинг-сесија. 21-годишниот тенисер не сподели детали колку сериозна е повредата, но истакна дека ќе се обиде да се опорави за првиот Гренд-слем турнир за годината.
– Ни беше соопштено дека Александар Зверев ќе го пропушти настанот. Знаеме дека тој многу сакаше да учествува, но му најдовме заменик во лицето на Фернандо Вердаско, изјави генералниот менаџер на дводневниот турнир, Дејвид Херн.
Зверев моментално е четврти меѓу фаворитите на обложувалниците за освојување на трофејот во Мелбурн. Тој ја заврши силно минатата сезона, освојувајќи го финалниот АТП турнир во Лондон, запишувајќи победи над Роџер Федерер и Новак Ѓоковиќ.
Во текот на викендот тој играше во финалето на „Хопман купот“ во Перт, но заедно со Анжелик Кербер беа поразени од Швајцарија во дуелот за трофејот.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено