Знаеле дека кочниците на кобниот автобус на „Дурмо турс“ се неисправни: Еве кој ќе одговара за трагедијата која однесе 16 човечки животи
Неколкумина инволвирани во трагичната несреќа кај Ласкарци се обвинети дека директно или индиректно придонеле за смрт на 16 лица кои загинаа на 13 февруари кога автобус на „Дурмо турс“ сообраќаше на релација Скопје- Гостивар. Меѓу нив се возачот на автобусот кој помина со повреди, но и сопственикот на компанијата.
По неколкумесечно вештачење од стручни лица на Машинскиот факултет, скопското Обвинителство го обзнани обвинението во кое точно се објаснети ситуациите, односно улогата на секој од лицата што ја условија стравичната несреќа.
Сопственикот на „Дурмо турс“ не водел никаква сметка за исправноста на автобусите, односно бил свесен дека кобниот автобус е нецелосно исправен, но не презел ништо, а исто така и шефот на возниот парк.
Соучесници во трагедијата се и тројца вработени од станицата за технички преглед кои утврдиле уште неколку месеци пред несреќата, поточно во јули 2018 година, дека кочниците се неисправни, но тоа не го запишале во записник, а потоа пак на следниот технички преглед воопшто и не ги провериле кочниците.
Исто така, обвинет е и возачот заради брзина над дозволената.
За сите овие лица обвинителството бара притвор, освен за контролорот кој бил задолжен за работата на тахографот. За него е констатирано дека дал потврда оти тахографот е исправен и покрај тоа што знаел дека има вграден уред за манипулација.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок