Фудбал
2. March 2021 - 11:01

Зидан задоволен од играта на Реал по ремито со Сосиедад

Тренерот на Реал Мадрид, Зинедин Зидан ги сумираше впечатоците од синоќешниот натпревар од 25. коло на Шпанскиот фудбалски шампионат против Реал Сосиедад (1:1).

– Одигравме добар натпревар. Можеби почетокот не беше најдобар, но имавме шанси, особено во првото полувреме. Изгубивме два бода – игравме дома, но не можам да кажам дека сум незадоволен. Во текот на мечот ја сменив формацијата. Промените влијаеја на играта на најдобар начин. Имавме добар натпревар со 3-4 шанси за гол. Тимот создава шанси, треба да продолжиме во истиот дух, изјави Зидан за „Марка“.

По овој натпревар Реал Мадрид има 53 бода и е трет на табелата. Пред него се Барселона со 53 бода и Атлетико Мадрид со 58 и натпревар помалку.

Реал Сосиедад со 42 бода е петти на табелата во Ла Лига.