Фудбал
5. August 2016 - 10:43

Жрепка за баражите во Лигата на шампиони и Лига Европа, познати можните противници на Шкеднија

Денеска во Нион, Швајцарија каде е седиштето на Европската фудбалска федерација (УЕФА), ќе биде извршена ждрепката за последната квалификациска рунда (бараж) за пласман во Лигата на шампиони. 
 
Откако ќе бидат познати екипите кои ќе играат во последниот филтер пред групната фаза во елитното натпреварување, ќе следува и ждрепката за второто по квалитет клупско натпреварување Лига Европа. 
 
А, меѓу екипите кои ќе ги очекуваат противниците ќе биде и македонскиот претставник Шкендија, која вчера иако загуби на гостувањето кај Млада Болеслав сепак, тетовската екипа обезбеди пламан во плејофот. 
 
Шкендија во ждрепката ќе се најде во четвртата група, во која како носители и можни противници на македонскиот тим се украински Шахтјор, чешката Спарта Прага, израелски Макаби Тел Авив, белгиски Гент, италијанскиот Сасуоло и Карабах од Азербејџан.