Животните во Зоолошката градина во Каракас угинуваат од глад
Околу 50 животни во Зоолошката градина во Каракас, најголемата во Венецуела, последниве шест месеци угинале од глад , поради постојан недостиг од храна, јавуваат јужноамериканските медиуми.
Вработени во градината откриваат дека некои од животните биле оставени без храна цели две недели, пред да угинат.
На лавовите и на тигрите како храна им било давано овошје, најчесто манго.
Вработените во Зоолошката градина во Каракас тврдат дека ситуацијата во другите градини во внатрешноста на земјата била уште полоша. Чуварите на тие градини ги молеле локалните продавачи на овошје и месарите да дадат малку храна за животните за да не страдаат изгладнети.
Властите признаваат дека животните угинуваат, но тврдат дека причината не е во недостигот на храна.
Венецуелската опозиција тврди дека ситуацијата во домашните зоолошки градини претставува „метафора за она што се случува во државата“.
Оваа јужноамериканска земја богата со нафта, подолго време се соочува со тешка економска криза, со испразнета државна каса и со неможноста да им обезбеди на граѓаните редовно снабдување со прехранбени и други производи.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје