-->
-->
Жетвата на оризот во Кочанско реализирана со 70 проценти
-->
Поволните временски услови последните десетина дена им одат во прилог на земјоделците од кочанскиот регион кои забрзано ја привршуваат жетвата на оризовата култура. Од насеаните 4.850 ха во регионот од Кочанско, Виничко, Штипско и Пробиштипско, годинава се очекуваат просечни приноси по 5000 килограми од хектар. Досега жетвата е завршена на 70 насто од површините.
Од Подрачната единица на Министерството за земјоделство, шумарство и водостопанство во Кочани истакнуваат дека во Кочанскиот производен регион од засеани 4.300 хектари, а досега се ожнеани 72 отсто од површините. Приносите на одделни површини се движат од 4.500 до 5.000 килограми од хектар.
Годинава подобри приноси има кај турските сорти ориз, но, не изостануваат по приносите и домашните сорти ориз Ер 76, Прима Риска и Монтеса, како и сортите Монтичели и Кочански. Жетвата на оризот се очекува да заврши за десетина дена.
Паралелено со жетвените активности кај оризот, во Кочанско се интензивира и есенската сеидба. Планирани за сеидба се 6.400 хектари од кои најголеми површини се планира да бидат насеани со житни култури-пченица, јачмен и рж вкупно 6.100 хектари. Досега есенската сеидба во Кочанско е реализирана со 36 проценти и се очекува таа да биде интензивна во наредните две недели. Од Подрачната единица на МЗШВ на Кочани информираат дека досега целосно е завршена есенската сеидба кај фуражните култури на 130 хектари и кај афионот кој по пауза од неколку години повторно се враќа на полињата во Кочанско и е насеан на површина од 10 хектари.
-->
-->
-->
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка