Жерновски: Зошто Шиповиќ поднесува оставка на крајот на мандатот
Градоначалникот на општина Центар Андреј Жерновски во денешното соопштение наведува дека зачудувачки е чинот на претседателот на Советот на општината Мирослав Шиповиќ да си поднесе оставка на крајот на мандатот.
- Тој во образложението вели дека поднесува оставка од лични причини, за подоцна да изјави дека тоа е заради лошата соработка со мене како градоначалник. Не е точно дека тој ме чекал да го примам пред канцеларија, но точно е дека соработката беше нарушена од причини добро познати на јавноста, вели Жерновски.
Нарушувањето на соработката, како што додава, била директна последица на донесувањето на ДУП-от за Водно од советниците ВМРО-ДПМНЕ и улогата на Шиповиќ во исходот од гласањето. Во контекст на тоа Жерновски потсетува дека таквото негово однесување е во спротивност со ставот на коалицијата, предводена од СДСМ.
- На така изгласаниот ДУП, со кои се дозволи градење на десеткатниците на Водно, ставив вето и го оспорив на Уставен суд. Но, оттогаш се поминати две и пол години, прашање е зошто го чекал крајот на мандатот за да поднесе оставка, истакнува Жерновски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка