Жерновски: При изготвувањето на политиките да размислиме и за идните генерации
При изработка на нашите политики треба да размислиме и за идните генерации. На почетокот на 21 век, улогата на развојната политика е променета. Денес, развојната соработка се смета за глобална структурна и мировна политика. Таа има за цел да помогне во решавањето на кризите и конфликтите на мирен начин, да помогне да ги зачуваме ограничените ресурси, а пред се да ја зачуваме нашата животна средина за следните генерации, при што ќе придонесеме во намалување на глобалната сиромаштија, рече денеска заменик министерот Андреј Жерновски на панел-дискусијата „Конференција за Целите за одржлив развој и ЕУ интеграција”.
Во своето обраќање Жерновски ги пренесе заложбите и активностите на Владата и посебно улогата што Министерството за надворешни работи ја има како координатор на соработката со системот на ОН при имплементацијата на Целите за одржлив развој. Тој се осврна на Националната стратегија за одржлив развој (НСОР), истакнувајќи дека целокупната соработка на Владата со Канцеларијата на ОН во Скопје се одвива преку Рамката за развојна соработка на Обединетите нации (УНДАФ) насловена: „Партнерство за одржлив развој (ПОР): Стратегија на ОН за Република Северна Македонија за 2016-2020“.
Беа потенцирани и престојните активности на ВРСМ во правец на изработка на Доброволниот национален преглед кој ќе биде презентиран на Политичкиот форум на високо ниво на маргините на Економскиот и социјален совет на Обединетите Нации, во 2020 година, во Њујорк.
Конференцијата беше завршен настан на проектот „Градење меѓусекторски партнерства за одржлив развој“, финансиран од ЕУ со цел да ги обедини на едно место сите релевантни чинители од земјата кои се посветени на исполнување на Агендата 2030 за Целите за одржлив развој и интеграција во ЕУ. Воедно претставуваше можност да се слушнат и дискутираат добрите домашни и меѓународни практики за меѓусекторски партнерства.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри