Жерновски-Коблер: Австрија гласен поддржувач на евроинтеграцијата на Македонија
Заменик-министерот за надворешни работи Андреј Жерновски се сретна денеска со австриската амбасадорка во Македонија Ренате Коблер.
Соговорниците ја потврдиле одличната билатерална соработка меѓу Македонија и Австрија, со акцент на гласната и активна поддршка на Австрија кон евроинтегративниот пат на земјава со надеж дека Македонија ќе ги почне пристапните преговори со Унијата за време на претстојното австриско претседавање од 1 јули 2018 година.
Како што соопшти МНР, заменик-министерот Жерновски информирал Коблер за приоритетните реформски активности на Владата, како и за преземените активности насочени кон добивање на конкретен датум за отпочнување на преговорите со Европската унија.
Амбасадорката Коблер ја потврдила континуираната активна и гласна поддршка кон Македонија во насока на остварување на амбициите за членство во Европската унија и изрази надеж дека Македонија ќе ги отпочне преговорите со Унијата на претстојниот Самит на ЕУ.
Го поздрави брзиот напредок на македонската Влада во спроведувањето на потребните реформи и преземените активности за решавање на билатералните прашања со соседите, се додава во соопштението на МНР.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата