Жените вриштеле, мажите во болница: Хорор во куќа во Штип
Околу 15 часот и 30 минути во текот на вчерашниот ден во Штип на улицата „Косовска“, во дворот од семејната куќа на 40-годишниот Г.Н.и неговиот татко Р.Н. се одвивал хорор кога тие биле нападнати од страна на околу 20 непознати лица.
Полицијата денеска информира дека напаѓачите со камења, дрвени стапови, мотика, лопата и други предмети почнале да удираат кон нивната куќа, и кон возилото „Пежо Партнер“, во сопственост на Р.Н., а потоа и физички ги нападнале таткото и синот.
Настанот се одвивал пред очите на сопругата и мајката на Г.Н. кои исплашени за својот живот се обидувале да влезат во куќата, но истите биле попречувани од сторителите. Повредените татко и син со возило на Итна медицинска помош биле пренесени во Клиничка болница Штип. Кај Г.Н. биле констатирани тешки телесни повреди, по што истиот е пренесен во Ургнетен центар Скопје, а кај Р.Н. биле констатирани телесни повреди. Причина за настанот е претходна расправија на Г.Н. со лице од ромска националност кое вршело мала нужда во дворот од неговата куќа.
Увид на местото на настанот извршила екипа од СВР Штип. Како можни сторители повикани се неколку лица со кои бил извршен разговор. Се преземаат мерки за целосно расчистување на настанот.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари