Спорт плус
20. November 2015 - 16:47

Железарец на прием во АМС

Македонскиот футсал првак Железарец денеска беше на прием во Агенцијата за млади и спорт.  Во елитната фаза од Футсал купот на УЕФА (што заврши во саботата) на турнирот во Пескара Железарец запиша две победи, со што ја освои втората позиција во групата и со тоа и неофицијалното шесто место оваа сезона во ова натпреварување.
На приемот во АМС беше договорено да се организира ревијален натпревар меѓу футсал репрезентацијата на Македонија и најдобрите во футсал во училишен спорт, како и поголема популаризација на футсалот во училиштата и подготовка на концепт за развој на футсалот во Македонија. 
- Овој успех може и треба да го афирмира футсалот во Македонија, а за тоа имаме потенцијал, изјави директорот на Агенцијата за млади и спорт Марјан Спасески и притоа ја искажа заложбата за соработка.
Инаку, футсал репрезентацијата на Македонија од 3до 8.декември ќе има подготовки за квалификациите за СП , додека натпреварите ќе се играат во периодот од 10 до 14.декември во Бари. Македонија е во групата со Италија (домаќин), Словачка и Молдавија. Инаку, нашата репрезентација можно е да добие и засилување колку Бразилецот Даниел де Соуса добие македонско државјанство и со добивањето на македонскиот пасош ќе може да настапи на квалификациите во Бари.