Зголемување на платите во јавниот сектор во Германија
Германската Влада постигна договор со синдикатите на вработените во јавниот сектор во врска со платите, со кој се опфатени околу 2,3 милиони работници во локалната и сојузната администрација.
Договорено е најниските плати да се зголемат за 4,5 отсто, а највисоките за 3,2 процента, соопшти синдикатот Верди.
Договорот, кој предвидува и еднократен бонус во износ од 600 евра за работниците и дополнителни средства за медицинските сестри и вработените во домовите за стари и изнемоштени лица, истекува кон крајот на 2022 година.
Според претставници на синдикатот, вработените во здравствениот сектор најмногу заслужуваат зголемување поради нивната клучна улога во борбата против пандемијата на коронавирусот.
Европската централна банка внимателно ги следи разговорите за зголемување на платите во Германија, поради евентуално загрозување на целната инфлација.
Ново на Сител
-
Претседателски избори
-
Тема на денот со Ненад Марковиќ, универзитетски професор
-
Владата одлучи: Деновите за гласање ќе бидат неработни за сите
-
Партиите потпишуваа кодекс за фер и демократски парламентарни избори
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката
-
Приватните специјализанти извисија - Решение после избори