Зголемена потрошувачката на вода во Крива Паланка
Потрошувачката на вода во Крива Паланка е зголемена, но издашноста на изворите од Калин Камен е доволна и нема проблем со водоснабдувањето во градот, информира јавното претпријатие „Комуналец“ во Крива Паланка.
Во периодот на екстремно високи температури потрошувачката на вода достигнала и до 70 литри во секунда.
- Нормалната потрошувачка на вода е од 20 до 30 литри во секунда, додека во деновите кога владееја тропски температури потрошувачката беше и до 70 литри во секунда. Во моментот дотурот на вода од Калин Камен изнесува 50 литри во секунда, но имаме и доволно залихи, четири резервоари со капацитет 1700 метри кубни вода кои ги задоволуваат потребните количини и нема недостиг на вода, изјави директорот на ЈП Комуналец, Томе Тодоровски.
Тој напомена дека потрошувачката на вода годинава е минимално зголемена во однос на минатото лето, а со падот на температурите опаѓа.
- Квалитетот на водата е согласно Законот за води и законските и стручни прописи по Правилникот за безбедност на вода и тој редовно се следи од страна на нашите стручни лица. Следењето на квалитетот на водата за пиење е преку повеќе параметри, меѓу кои микробиолошкиот состав, како и физичко-хемискиот состав, кој подразбира испитување присуство на пестициди, паразити и радиоактивни честици. Сите параметри редовно се испитуваат во Центрите за јавно здравје, потенцира Тодоровски.
Според него, квалитетот на водата за пиење во Крива Паланка е одличен.
Ново на Сител
-
Апасиев: „Децата крв да ви плукаат“- СДСМ со остра реакција
-
Ковачки: Македонија нема претставник во НАТО, владата испраќа кадри кои не го поминуваат филтерот на алијансата
-
Ски центарот Нижеполе преполн со посетители
-
Дали постои опасност од ширење на корона вирусот од домашни животни и миленици на луѓе?
-
Љупчо Димовски нов лидер на СПМ
-
Тема на денот со министерот Филипче: Кога Македонија ќе добие вакцини за Ковид-19?
-
Во ек на пандемија затворени над 6.000 фирми во Македонија
-
Армин Лашет нов лидер на германските демохристијани