Зголемен наталитетот во Неготино
За три години наталитетот во Неготино е зголемен за дваесет проценти, информираше денеска неготинскиот градоначалник Ванчо Апостолов.
Во просториите на општината, денеска тој додели сто ваучери за новороденчиња. По седум илјади денари на сите оние кои имаат новороденче, по 14 илјади денари за секое трето дете. Апостолов додели и 5 ваучери од по 30 илјади денари на машките лица кои стапуваат во брак по навршени 40 години.
Апостолов нагласи дека Неготино спаѓа во редот на градовите каде сериозно и се пријде на оваа проблематика и има успех во практикувањето на мерките за зголемување на наталитетот кои ги донесоа Владата но и Општината.
- Ние практикуваме неколку мерки за зголемување на наталитетот. Покрај владините, практикуваме и наши општински мерки. Денеска по трет пат ја практикуваме ова мерка. Во Општина Неготино од август 2013 година родени се вкупно 600 дечиња, рече тој.
Апостолов нагаласи дека со овие мерки кои даваат резултати, ќе се продолжи и понатаму.
Задоволство од мерките, пред медиумите изрази и неготинката Билјана Трајкова.
- Во иднина само препорачувам, да се отворат повеќе места во градинките бидејќи за да влезиме со децата овде чекаме ред, а имаме потреба од тоа бидејќи одиме на работа во смени. Инаку јас сега земав пари за второ дете. Мојот мотив е да го зголемам семејството, рече таа.
И Андов Милан потенцира дека за него оваа мерка е добредојдена.
- Мислам дека стимулацијата треба да продолжи да се практикува од локалната вчаст. Секоја парична помош е добредојдена и сметам дека ке биде поттик за неготинските ергени, нагласи тој.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро