Зголемен бројот на заболени говеда од „јазлеста кожа“
Зголемен е бројот на заболени грла добиток од „јазлеста кожа“. Заклучно со денеска, афакетирани се околу 580 говеда, соопшти директорот на Агенцијата за храна и ветеринарство (АХВ) Зоран Поповски.
Поповски повтори дека болеста е локализирана во источниот дел на Македонија, во претходно утврдените 13 жаришта.
- До вчера, бројот на заболени животни беше 524, а сега бројката е нешто поголема, околу 580. Се работи за нови заболени, односно афектирани грла во општините каде што и беше присутна болеста „јазлеста кожа“, истакна директорот на АХВ по денешниот едукативен настан за домашни миленици во општина Аеродром.
Вакцините против „јазлеста кожа“ треба да пристигнат, по што ќе почне и вакцинирањето на ниво на целата држава.
- Од компанијата производител беа дадени цврсти гаранции дека вакцините треба да стигнат кон крајот на овој месец. Веднаш ќе почнеме со вакцинација со оглед дека имаме изготвено акциски план, подвлече Поповски.
Според него, сточарите од зафатените подрачја чии грла не се заболени од „јазлеста кожа“, непречено го пласираат млекото.
- И оној мал проблем што постоеше, веќе е отстранет. Агенцијата апелираше, сите сточари, ако имаат какво било прашање, да го исконтактираат ветеринарното друштво со кое соработуваат, официјалните ветеринари на АХВ или да се јават на бесплатниот број во Агенцијата 080032222 со цел решавање на каков било проблем со кој се соочуваат, потенцира директорот Зоран Поповски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка