Зголемен бројот на случаи на Ковид-19 во Грција, но репродукцискиот индекс на вирусот сѐ уште е под нула
Епидемиолошкиот индекс Р0, односно репродукцискиот број на коронавирусот во Грција останува под нула и во изминатата седмица бил 0,4 и покрај зголемениот број позитивни случаи во земјата, во просек 35 дневно, наспроти 25 една седмица претходно, јави дописничката на МИА од Атина.
Портпаролот на грчката Влада Стелиос Пецас на денешниот редовен брифинг со новинарите ги соопшти последните податоци од седмичниот извештај за Ковид-19, истакнувајќи дека „епидемиолошката слика на Грција останува многу подобра од повеќе европски земји”, но додаде дека тоа, не смее да биде причина за опуштање.
Во периодот меѓу 8 и 15 јули, освен зголемување на просечниот број дневни случаи има зголемување и во Солун и Атина, во просек осум дневно.
-Се констатира зголемување на случаите, кое што се должи на увезените случаи, но и на внатрешната опуштеност. Ова доведе до зголемување на бројот на хоспитализирани лица, но остануваат на ниско ниво и најважното, не водат до загуби, рече Пецас и објасни дека значително е зголемен и бројот на тестови, во просек, во јули биле направени 5.000 тестови дневно, во кои се вклучени и тестовите во внатрешноста на земјата и тестовите што им се вршат на туристите.
За почитувањето и придржувањето кон мерките и правилата, портпаролот на грчката Влада повтори дека се интензивираат и инспекциите, а за прекршувачите се предвидени казни.
Паралелно, најави дека секој вторник, заменик-министерот за цивилна заштита Никос Хардаљас ќе одржува прес конференции што ќе се однесуваат на оперативните теми поврзани со коронавирусот.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка