Зголемен број нови случаи на Ковид-19 во Грција и на Кипар
Во изминатите 24 часа во Грција беа соопштени 78, а на Кипар 25 нови случаи на Ковид-19, со што регистриран е зголемен број на позитивни случаи на дневна основа и во двете земји.
Националната организација за јавно здравје на Грција соопшти 78 нови заразени, од кои десет по направените тестови на влезните точки во земјата, а во изминатите 24 часа починаа три лица.
Бројката на нови случаи е највисока во изминатите пет дена, а од понеделникот до денеска се регистрирани вкупно 287 новозаразени.
Од почетокот на епидемијата, регистрирани се 4.477 заразени со Ковид-19, а починаа 206 лица.
Министерството за здравство на Кипар соопшти 25 нови случаи од 1.850 направени тестови во изминатите 24 часа, со што бројот на заразени од почетокот на епидемијата се зголеми на 1.114 лица.
Бројката на новозаразени на Кипар е особено висока, со оглед на тоа дека во изминатиот период, дневните случаи се движеа од нула до шест.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање