Балкан
3. March 2017 - 15:02

Згасна секоја надеж за семејството: Другарите Дејан и Жарко загинаа заедно

Згасна секоја надеж во семејствата Николиќ, Ковачевиќ и Костиќ.

Настрадаа пиротехничари во експлозија кај Техничкиот завод во Крагуевац, кои уште од 28 февруари се водат како „исчезнати“, а чии тела се пронајдени денес во рушевините. Жељко Николиќ (45) и Дејан Ковачевиќ (42), најдобри пријатели кои се вработиле во воената установа и таму, на истиот ден, по 24 години заедно загинале. Семејствата и домовите на настраданите се завиени во црно.

- „Претставници на војската во вечерните часови ни затропаа на врата и ни соопштија дека телата се пронајдени во рушевините. Покрај тоа, кажано ни беше дека мора да се направи и ДНК анализа, за да се изврши идентификација и тоа од братот на мојот покоен сопруг Далибор или од неговите родители. Нема зборови со кои може да се опише нашата тага, но покрај три денови агонија, неизвесност и чекање, барем имаме некаква информација. Претпоставував дека вака ќе заврши, но сепак имав трошка надеж дека е жив.“- изјави Ивана.

Семејствата кои од моментот кога експлодирал погонот за расклопување и уништување на експлозивни средства, додека работниците се обидувале да го изгасат пожарот, биле во контакт, сега знаат едно- погребот на Дејан и Жељко ќе биде во ист ден. 

Министерството за одбрана соопшти дека се пронајдени три тела на местото на разорната експлозија, од кои вчера се извлечени две, а третото ќе биде извлечено денес, бидејќи ноќта ја оддолжи акцијата.