„Зери“: Демаркацијата на границата со Црна Гора зависи од Српската листа
Бојкотот на косовските институции од страна на коалицијата Српска листа ја оневозможува Владата во Приштина повторно да го стави на дневен ред во Собранието, Договорот за демаркација на границата на Косово со Црна Гора, тврди приштинскиот весник „Зери“.
Извори од косовската Влада за „Зери“ изјавиле дека им се неопходни гласовите на пратениците Срби и без нивно враќање во Парламнетот, договорот нема да се најде на седница на Собранието.
- Косовската Влада нема намера да го врати договорот за демаркација на границата со Црна Гора во Собранието на Косово, Такво нешто не може да направи поради отсуство на Српската листа од Владата и Собранието и противењето на опозицијата за актуелната верзија на докуметот, изјавил владиниот извор.
Тој додал дека процесот на заокружување на демаркацијата на граничната линија меѓу Косово и Црна Гора не може да се случи без враќање на паретниците на Српската листа во Парламентот.
- Нема ништо од овој процес без враќање на Српската листа. Потребни ни се нивните гласови, рекол истиот извор за весникот.
Гласовите на српските пратеници и се неопходни и на владината коалиција, констатира „Зери“, потсетувајќи дека опозицијата веќе една година се противи на договорот за демаркација и бара враќање на почеток на процесот, кој според неа е штетен, бидејќи со него Косово губело над осум илјади хектари од својата територија.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми