Земјотреси во Албанија попладнево почувствувани во земјава
Два земјотреса со магнитуди од 5.8 и 5.5 степени по Рихтер во период од десетина мунити е случија попладнево во близина на Драч, Албанија, објави Европско-медитеранскиот сеизмолошки центар, а беа почувствувани и во нашата земја.
Првиот земјотрес е регистриран во 16:04 часот по локално време со магнитуда од 5.8 по Рихтер и епицентар во Јадранско Море на длабочина од десет километри, на шест километри од Драч и 34 километри од Тирана. Вториот земјотрес бил во 16:15 со магнитуда од 5.5 по Рихтер со епицентар на длабочина од три километри и на седум километри од Драч.
Сеизмолошката опсерваторија при ПМФ-Скопје соопшти дека првиот земјотрес, кој е на 190 км југозападно од Скопје, е со Рихтерова магнитуда од 5.6 и беше почувствуван од населението во западните делови од државата со интензитет од IV до V степени, а во останатиот дел со интензитет од III до IV според Европската макросеизмичка скала.
Земјотресот е почувствуван и во Црна Гора.
Ново на Сител
-
Македонија и натаму во рецесија, пад на економијата од 4,5% лани
-
Падна ли страницата за попис на тестот за безбедност, граѓани од Македонија се попишуваат како иселеници?
-
Нема дозвола за зголемување на групите во градинките
-
Бочварски најави финализирање на експресните патишта на истокот од државата до крајот на годината
-
Тема на денот: Можат ли проблемите да фрлат сенка врз резултатите од пописот?
-
Британците бараат организација на ЕП 2021 и СП 2030г.
-
Културниот центар ,,Иван Михајлов‘‘ од Битола бара поддршка и од амбасадите
-
Собранието почна со работа, координаторот на ДУИ се појави во салата