Земјите од регионот разменуваат искуства за поголема вклученост на граѓаните во заедниците
Размена на искуства и добри практики во однос на воспоставување локална агенда за целите за одржлив развој, како и операционализација на принципот „никој да не биде запоставен” во земјите од регионот на Западен Балкан, се темите на дводневната конференција што се одржува во Скопје, а е поддржана од Германското друштво за меѓународна соработка (ГИЗ) преку проектот за Социјални права на ранливи групи.
– Многу луѓе ги напуштаат малите места и се селат во Скопје, а слично е и во сите земји во регионот. Истовремено, има уште една заедничка работа за регионот, а тоа е дека многу луѓе ги напуштаат своите земји да работат во странство. Кога ќе ги прашате зошто, велат едноставно перцепцијата за животот дома ги натерала на тоа. Ова може да се помени на локално ниво во самите заедници, во општините, рече Ото Граф, преставник на Германската амбасада во Скопје.
Важно е, додаде тој, да се размислува како може да се организира на локално ниво сите да се чувствуваат дека се вклучени и никој да не биде притиснат да го напушти своето место.
Втора важна работа, рече Граф, е земјите од регионот да ги споредат своите искуства, да бараат решениеја, бидејќи единствено ако регионот работи заедно граѓаните би биле привлечени да останат.
Преку проектот треба да се зајакне иновативен и соодветен пристап кон социјалната работа, подигнување на јавната свест и едукација за социјалните права, развој на решенија за долгорочно финансирање на локалните сервиси за ранливите групи, но и да се овозможи локалните самоуправи каде што се спроведува да имаат подобри информации за ранливите категории граѓани на нивна територија и да овозможат подобри услуги и нивна вклученост во заедницата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање