Земан: За месец, два границите може да бидат затворени под притисок на мигрантите
На прашањето дали како Врховен командант на вооружените сили размислува за затворање на границите заради постојаниот притисок од мигрантите, чешкиот претседател Милош Земан изјави дека тоа може да се очекува за еден или за два месеци, јави дописникот на МИА.
- Нема причина сега непотребно да се зголемуваат трошоците со затворање на границите, рече Земан, според кого статистиките на министерот за внатрешни работи Милан Хованец покажуваат дека на тлото на Чешка се задржуваат околу десет мигранти неделно.
Тој додаде дека кога бројките на бегалците ќе почнат да растат, за еден или два месеци тогаш ќе треба да се повика не само Армијата и полицијата, туку и доброволците пожарникари кои се околу 6.000.
Земан додаде дека мигрантите досега имаа слободен пат преку Балканот и Австрија до Германија и не се задржуваа преку чешката територија.
- Тоа се разбира може да се смени, кога Австрија и Германија ќе ги затворат границите и таа тенденција постои. Тогаш ние ќе станеме транзитна земја и што е полошо, Германија ќе почне да ги враќа економските мигранти, кои преку нас дошле таму. Ние ќе мора да ги сместуваме во прифатилишта и затоа најдобро да не ги пуштаме воопшто, оцени Земан.
Тој рече дека Армијата и полицијата е подготвена до шест часа да ги затвори граничните премини, а до 48 часа и т.н зелена граница, шумските патчиња и слично.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација