Зелените освоија една петтина од гласовите на парламентарните избори во Швајцарија
Двете партии на зелените освоија над 20 проценти од гласовите на вчерашните избори за Долниот дом на швајцарскиот Парламент, додека кај големите партии, вклучително и победничката Народна партија забележан е пад на поддршката, покажуваат конечните резултати.
Зелената левица освои вкупно 13,2 отсто од гласовите, додека за партијата на центарот Зелени либерали гласале 7,8 отсто од граѓаните. Со тоа Зелените станаа четврта партиска групација во Швајцарија, додека на петто место е Христијанско-демократската народна партија.
На изборите најголем број гласови 25,6 отсто освои антиимигрантската Народна партија, додека Социјалдемократската партија – 16,8 отсто, либералите 15,1 проценти, а Христијанско-демократската народна партија освои 11,4 отсто од гласовите.
Во согласност со единствениот швајцарски политички систем, добриот резултат во еден изборен циклус автоматски не носи и влез во сојузната Влада, каде веќе 60 години се делат министерските места помеѓу четири партии: Народна партија, Социјалдемократската партија, либералите и демохристијаните.
Според швајцарската традиција партија би можела да добие министерско место ако постигне добри изборни резултати на најмалку два избора по ред.
Лидерот на Зелените либерали Јург Грошен вчера изјави дека сигурно нема да бара место во сојузната Влада, додека лидерката на Зелената левица Регула Ритц не ја исклучи можноста да учествува во Владата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка