Македонија
23. January 2017 - 20:21

Здравствен дом Скопје за прв пат ќе добие магнетна резонанца

Магнетна резонанца за прв пат ќе добие Здравствен дом Скопје. Апаратот се планира да  биде сместен во Поликлиниката Чаир. Ова на денешната средба го договорија министерот за здравство со менаџментот на здравствената установа. Процедурата за набавка треба да заврши до летото, а новиот апарат се очекува да биде ставен во функција најдоцна до почетокот на идната година.

- Здравствениот дом Скопје, се повеќе станува чувар на портите и на терциерното здравство, но и на секундарното болничко здравство во Скопје. Само минатата година се воведени нови седум методи за кои се дадени над 7.000 услуги. Според него, оваа бројка сериозно ќе се зголемува наредната година, имајќи предвид дека некои од тие методи се воведени на почетокот на годината, некои на средината, а некои на крајот на минатата година, изјави Никола Тодоров, министер за здравство.

Ова е петта магнетна резонанца во главниот град. Два вакви апарати последниот период се набавени во Клиничкиот Центар, еден во ГОБ 8 септември и еден во Клиниката за хируршки болести св. Наум Охридски.