Зборник и дебата за историските наративи
Зборник на текстови „Наративите во полуавторитарни режими: случајот со Македонија“ во издание на Центарот за истражување на национализмот и културата (ЦИНИК) вечерва беше промовиран во киното „Култура“.
Зборникот го претстави Петар Тодоров од ЦИНИК, кој информира дека има шест статии од осум автори за тетар, историја, новинарство, медиуми, архитектура, родова еднаквост… Зборникот е двојазичен, со текстови на македонски и на албански јазик. Автори на текстовите се Ивана Драгшиќ, Кристина Леловац, Славчо Димитров, Дарко Стојанов, Влора Речица и Миша Поповиќ, Жанета Трајкоска и Бојан Георгиески.
По промоцијата на зборникот се одржа дебата насловена „Наративи, минато и иднина: Национализирани историографии во контекст на договорите за регионална соработка меѓу Северна Македонија, Бугарија и Грција“ на која се обратија историчарите Чавдар Маринов од Софија, Тасос Костопулос од Атина и пратеничката и историчар Ирена Стефоска.
Стефоска пред почетокот на дебатата изјави дека еден од начините за доближување на разликите се учебниците по историја.
– Овие комисии не се занимаваат со академската историографија, туку со учебниците. Која е целта на билатералните комисии како светска практика – постепено, со заедничка академска работа на историчари, специјалисти, антроплози, да почне да се работи на наследените стереотипи и предрасуди во учебниците од двете страни, рече Стефоска.
Посочи дека во односот кон историјата многу емоции се во прашање, пристрасности и додаде оти треба да се работи на тоа. Според неа, нам ни е потребен рационален пристап кон минатото.
Одговарајќи на новинарски прашања пред почетокот на дебатата, новинарот и историчар Костопулос изјави дека дијалогот е секогаш возможен, а нормално е да се има спротивставени мислења бидејќи, како што рече, историјата не е апстрактна наука.
Дебатата и промоцијата се поддржани од фондацијата Хајнрих Бел.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок