Завршуваат инфраструктурните инвестиции во штипската населба „Сончев град“

Завршуваат инфраструктурните инвестиции на Општина Штип во новата населба „Сончев град“.

Градоначалникот на Општина Штип, Благој Бочварски соопшти дека е поставена нова асфалтна инфраструктура на новите улици во населбата Сончев град. Се работи за 760 тони асфалт на површина од 4.500 квадратни метри, со што населбата Сончев град добива нови улици, а граѓаните квалитетна инфраструктура.

– Претходно поставивме целосно водоводна и канализациска мрежа, но и електрична инсталација. Мој приоритет откако сум градоначалник е граѓаните да имаат квалитетна инфраструктура. Целата инвестиција изнесува 14 милиони денари, која е за развој на нова населба, вели Бочварски.

Тој нагласи дека сите граѓани заслужуваат квалитетна надземна и подземна инфраструктура, а во оваа населба наскоро ќе се поставува и ново улично осветлување, со што Општина Штип ги исполнува своите обврски кон граѓаните и инвеститорите во населбата, кои претходни си ги платиле комуналиите.