Завршува кариерата за Тони

Напаѓачот на Верона, Лука тони, објави дека по завршувањето на сезоната ќе стави крај на професионалната кариера, објавија италијанските медиуми. Богата кариера, Тони (38), ја започна во 1994 година во Модена.

 

Лука Тони, никогаш во кариерата не бил шампион во Италија, но со минхенски Баерн има освоено две дупли круни, а со Италија во 2006 година стана светски првак на Мундијалот во Германија.

 

Тони, во кариерата, межудругите настапувал за Виченца, Палермо, Јувентус, Фиорентина, Рома, Џенова, Ал Наср, Баерн Минхен.

 

Индивидуално, Тони, два пати бил најдобар стрелец во Серија А, еднаш во Бундеслигата, а во сезоната 2005/2006 ја освои Златната копачка, како најдобар стрелец во Европа.