Завршната сметка на Буџетот за 2015 пред матичната собраниска комисија
Предлогот -завршната сметка на Буџетот на Република Македонија за 2015 година денеска е на дневен ред на собраниската Комисија за финансирање и буџет.
Врз основа на документот на завршната сметка на Буџетот објавен на веб-страната на Собранието, од планираните 166.842 милиони денари остварени се 161.172 милиони денари. Од планираните вкупни расходи 186.981 милиони денари остварени се 180.632. Остварениот дефицит е 19.460 милиони денари, додека приливот на средствата 47,881 милиони денари, а одлив, односно отплата на главнина 28.421 милиони денари.
Во Собранието на Република Макеоднија денеска седници ќе одржат и комисиите за здравство, за труд и социјална политика, за одбрана и безбедност, за прашања на изборите и именувањата, како и Законодавно-правната комисија.
Собраниската Комисија за прашања на изборите и именувањата треба да утврди Предлог-одлука за разрешување од функцијата на заменик на генералниот секретар на Собранието. Исто така треба да биде утврдена Предлог- одлука за изменување на одлуката за разрешување и избор на претседател и членови на Советот на научно- културните средби „Десет дена Крушевска Република“.
На дневен ред на Комисијата за здравство е Предлог-законот за изменување и дополнување на Законот за здравствено осигурување, по скратена постапка во второ читање.
Комисијата за труд и социјална политика ќе ги разгледува измените и дополнувањета на Законот за пензиското и инвалидското осигурување, по скратена постапка во второ читање.
На дневен ред на Комисијата за одбрана и безбедност се измените на Законот за полиција и измените и дополнувањата на Законот за внатрешни работи, двата по скратена постапка и во второ читање.
Седница ќе одржи и Законодавно-правната комисија.
Ново на Сител
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците