Завршија изборите во Русија
Гласачките места во московската временска зона беа затворени во 20 часот, со што заврши тридневното гласање на парламентарните и регионалните избори во Русија. Гласањето заврши во централните, јужните и северозападните федерални области, како и во делови од федералните окрузи Волга и Северен Кавказ, објави ТАСС.
Покрај изборите за Државната дума, Москва одржа и дополнителни избори за градско собрание и општински избори во областа Шчукино. Во Москва се гласаше на 3.600 избирачки места, а гласачите исто така можеа да го исполнат своето избирачко право и преку интернет.
Според резултатите од излезната анкета на социолози од ИНСОМАР, четири партии ќе влезат во составот на Државната дума: Единствена Русија (со 45,2 отсто), Комунистичката партија на Руската Федерација (21 процент), Либерално-демократската партија (8,7 отсто), Праведна Русија (7, 9 проценти). Испитаниците биле прашани: „За која партија гласавте на изборите за Државна дума?”.
Анкетата беше спроведена преку таблети користејќи електронски прашалници, а податоците се обработени во реално време. За истражувањето беа избрани 1.455 избирачки места во 825 населени места согласно административно-територијалната поделба на регионите и распределбата на бројот на регистрирани гласачи со цел да се обезбеди репрезентативност на податоците. Анкетата беше спроведена при излез на гласачите од избирачките места од 8,00 часот наутро до 20,00 часот по локално време во текот на трите изборни дена. Вкупно 438.218 луѓе учествуваа во анкетата од 17 до 19 септември.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање