Заврши гласањето на болни и немоќни лица во Штип
Заврши гласањето на болните и немоќни лица во Штип, каде што со право на глас се вкупно 93 лица. Претседателката на ОИК-Штип, Сенка Андреева вели дека гласањето поминало без проблеми, а во споредба со првиот круг избирачките одбори денеска имаат дополнителни 33 болни и немоќни лица.
Станка Дамјанска, која има 91 година, веќе шест години го остварува своето право на глас во домашни услови и вели дека е добро што на немоќните лица им е овозможено да гласаат во своите домови.
– Мирни да бидат изборите, како и претходно, а нека победи најдобриот кандидат, вели Дамјанска.
Изабела Јованова претседател на Избирачкиот одбор 22 93 информира дека денеска членовите на овој одбор посетиле шест болни и немоќни лица, а во првиот круг имале само тројца.
– Избирачкото место 22 93 за гласање ќе биде отворено утре во 7 часот, очекуваме мирен ден, а најголемата излезност вообичаено е по 12 часот, вели Јованова.
Во Затвор-Штип денеска избирачкото место е отворено од 07 часот, каде што право на глас имаат 198 осуденици. До 13 часот гласале 88 лица или 44 отсто од вкупниот број на избирачи. Влатко Конев заменик претседател на избирачкиот одбор во Затвор-Штип информира дека гласањето се одвива без проблеми, а гласачкото место е отворено до 19 часот. Во првиот круг своето право на глас го оставриле 82 отсто од избирачите.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари