Заврши асфалтирањето на улицата „Светозар Марковик во Делчево
Заврши асфалтирањето на најфреквентната улица во Делчево „Светозар Марковиќ“. Улицата која е во должина од 540 метри се гради во рамките на проектот „Општински и рурални инвестиции“, каде е планирана изградба на три улици, а вкупниот проект во износ од 260 илјади евра е финансиран со грант од ЕУ преку ИПА претпристапните фондови, а администрирани според правилата на Светска банка преку Министерството за финансии. Во вкупната сума учествува и државата со 65 илјади евра и општината со 31 илјада евра.
Градоначалникот Горан Трајковски кој направи увид во работите на улицата истакна дека со асфалтирањето на оваа улица се затвора едно тесно грло во патната инфраструктура на Делчево со што ќе се придонесе за урбан изглед на овој дел од Делчево кој има перспектива за нови објекти и градби.
- Асфалтирањето е од огромно значење, бидејќи на оваа улица се наѓаат повеќе институции, меѓу кои градинката, училиштето „Ванчо Прке“, автобуска станица, а улицата се поврзува со зградата на Општина Делчево и центарот на градот. Мора да истакнам дека во овој дел од градот во предвидениот ДУП има планирано и други деловни објекти, како што е маркетот на Кит-го кој е во изградба, потоа катни гаражи. Значи, ќе имаме поголема безбедност во сообраќајот, но и подобар пристап и урбан изглед на овој дел, рече Трајковски.
Тој додаде дека веднаш ќе се продолжи со изградбата на тротоари на улицата.
- Овде ќе биде изграден и тротоар, каде ќе можат пешаците безбедно да се движат, нешто што го немало претходно воопшто на оваа улица. Исто така, претходно има поставено атмосферска канализација што значи дека се запазени сите аспекти, рече Трајковски.
Во рамките на проектот претходно беше реконструирана улицата „Питу Гули“ во населбата Милково брдо во должина од 380 метри, а овде во тек е изградба на тротоари. Исто така, околу 300 метри ќе се врши и реконструкција на улицата во центарот на Делчево, „Маршал Тито“, која ќе опфати и изградба на атмосферската канализација. Стартот на градежните работи на оваа улица ќе зависи од временските услови, а крајниот рок за финализирање на проектот е јуни наредната година.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж