Засилена контрола на дивите депонии во Гевгелија
Градоначалникот на Гевгелија Иван Франгов денеска од комуналната инспекциска служба побара да ги засили контролите на дивите депонии и инсистираше комуналните редари да ги контролираат почесто во попладневните и вечерните часови кога, како што рече, несовесните граѓани фрлаат разни отпадоци.
- Мојата реакција и барањето за засилени контроли на дивите депонии е одговор на многубројните поплаки од граѓаните на општина Гевгелија, кои во последно време најмногу се однесуваат на неконтролираното фрлање отпадоци на дивите депонии кои на неколку локации во околината на градот се создаваат покрај локалните патишта, рече Франгов.
Инспекциските служби веднаш интервенирале и побарале од сопственик на парцела во близина на Кованска река, која е претворена во дива депонија да го отстрани отпадот во најкус временски рок и најавија чистење на отпадот од речното корито.
Договорено е инспекциските контроли на дивите депонии да се вршат и за време на викендите.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот