Заразени наставници, воспитувачка и негувателка во штипските училишта и градинки
Триесет и четири второоделенци од штипското основно училиште „Тошо Арсов“ и нивните две наставнички заминуваат во изолација, откако имале физичка настава од наставник од предметна настава, кој е позитивен на коронавирусот.
Директорката на училиштето, Фросина Маџарова вели дека од почетокот на учебната година, досега имаат тројца наставници, кои се заразиле со вирусот. Прекин во насатвата нема, бидејќи учениците и наставниците ја реализираат он-лајн. Нови случаи на заразени вработени во штипските детски градинки се регистрирани во објектот на градинката „Астибо“ во населбата „Сењак“. Воспитувачка и негователка се инфицирани, со што во изолација се испратени шест деца.
Директорката на Центарот за здравје-Штип, Марија Димитрова вели дека вчера се регистрирани 25 случаи, но и денеска се очекува двоцифрена бројка. Заразате се шири меѓу младите над 20 години, семејствата, но и сега и во училиштата и градинките. Текстилниот кластер во најголемата фабрика во ТИРЗ зоната е стивната.
На Инфективното одделение во штипската Клиничка болница денеска се хоспитализирани 53 пациенти, има два слободни кревети, 20 пациенти се со тешка клиничка слика и се на кислородна поддршка, а во болнички услови е починат пациент на 72 -годишна возраст од Штип.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората