Започнуваат со работа 500 мобилни здравствени единици во Грција за грижа и земање примероци на можни случаи на Ковид-19
Од денеска во Грција започнуваат со работа 500 мобилни здравствени единици за специјална намена, чија задача ќе биде да ги посетуваат домовите на сомнителни или можни случаи на Ковид -19 за земање примероци од биолошки материјал и за пружање медицинска нега, јави дописничката на МИА од Атина.
Мобилните единици се во надлежност на Националната организација за јавно здравје на Грција, а согласно заедничката одлука на заменик-министерот за финансии, министерот за развој и инвестиции и министерот за здравство планирано е изнајмување до 500 возила, обука на 2.000 нови здравствени работници во болниците, здравствените центри и брзата помош и 1.000 членови на мобилната единица за специјална намена.
Во однос на регионите што ќе ги посетува мобилната единица на целата територија, одлуката ќе ја носи Националната организација за јавно здравје на Грција.
Според министерската одлука објавена во Службен весник, процените се дека трошоците за персоналот во првата фаза на активностите се во висина од 5.010.000 евра.
Заменик-министерот за здравство на Грција Василис Кондозаманис, на вчерашната редовна прес конференција за Ковид-19, рече дека станува збор за програма финансирана од европски средства, односно од оперативната програма за реформи во јавниот сектор.
Ново на Сител
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени