Започна изградбата на нов крак на градинката „Детелинка“ во Ѓорче Петров
Градоначалникот на Ѓорче Петров Сокол Митревски и заменик министерот за труд и социјална политика Диме Спасов денеска го означија почетокот на градежните работи за изградба на четвртиот крак на градинката „Детелинка“.
Проектот предвидува изградба на просторија која ќе го зголеми капацитетот на градинката за нови педесетина деца, така што градинката „Детелника“ ќе располага со четири занимални со пропратни простории, тоалети и ходници со вкупен капацитет од 120 деца.
Заменик министерот за труд и социјална политика Диме Спасов рече дека новиот објект ќе згрижи 50 деца и се очекува да биде завршен до крајот на месец април 2016 година, додавајќи дека во завршна фаза веќе се градежните активности на објект за 150 деца во населбата Дексион, како и дека во план е адаптација на уште еден трет објект во општината, што во голема мера ќе го подобрат животот на граѓаните од оваа општина.
- Како Влада во 2016 година планираме да отпочнеме со изградба и опремување на 20 градинки во 20 општини со голем фокус на Скопје со цел да влијаеме на намалување на листите на чекање и создавање на повеќе капацитети за децата и поквалитетни услови за дечињата, истакна Спасов.
Градоначалникот на Ѓорче Петров Сокол Митревски истакна дека сите капацитети што се во фаза на изградба се заеднички плод на ресорното министерство и локалната самоуправа, со цел подобрување на вкупната состојба во општината за згрижување на најмалата и најдрагата популација.
- Минатата година пуштивме нова градинка во населбата Даме Груев за згрижување на повеќе од 150 деца, а денешното проширување на градинката „Детелинка“ ќе го зголеми капацитет за 50 деца, за потребите на жителите од месната заедница Мирче Ацев и пошироко, истакна Митревски.
Проектот чини околу пет милиони денари, средства обезбедени преку Проект за подобрување на општинските услуги финансиран со заем од светската банка. Изведувач на градежните работи е компанијата „Алдинг-Инженеринг“ од Скопје која е избрана по спроведување на тендер воден по правилата на Светската банка.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање