Замина уште една филмска легенда, почина познатиот српски актер
Легендарниот српски глумец Љубиша Самарџиќ - Смоки почина по тешко боледување на 80-годишна возраст во Белград.
На почетокот на годинава тој беше опериран од тумор на мозок, а подоцна состојбата му се влошила поради лимфоцитна леукемија, од која боледувал подолго време.
Самарџиќ е роден на 19 ноември 1936 година, а неговиот талент за глума бил откриен многу рано.
Првата своја улога ја остварил во филмот „Игри на скелиња“. Во својата кариера вкупно остварил 130 телевизиски и филмски улоги.
Прекарот „Смоки“ го добил благодарејќи на истоимениот лик кој го играл во филмот „Песочен град“ во 1963 година.
Меѓу најзабележителните улоги на легендата на југословенската и српската кинематографија се филмовите „Битка на Неретва“, „Бомбаши“, „Љубовниот живот на Будимир Трајковиќ“, „Луди години“, „Работа на одредено време“, „Мој татко на одредено време“, „Не е лесно со мажите“, „Магарешки години“, „Убиство се предумисла“, „Наташа“....
Во богатата телевизиска кариера Самарџиќ играл во сериите „Топол ветер“, „Враќање на отпишаните“, „Каде одат дивите свињи“, „Подобар живот“, „Полицаецот од Петлово брдо“, „Есента доаѓа, дуњо моја“....
Последната улога која ја оствари беше во серијата „Мирисот на дождот на Балканот“ во 2011 година, која ја и режирал.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите