Заменик министерот за надворешни работи Жерновски во посета на Баварија
Заменик министерот за надворешни работи, Андреј Жерновски, денеска престојуваше во работна посета на германската сојузна покраина Баварија, на покана на претседателот на Комисијата за европски прашања во баварскиот парламент.
Во рамките на посетата, како што соопшти МНР, Жерновски информирал за постигнатите резултати во реформските активности од европската агенда на Северна Македонија, за внатрешно-политичките случувања и добрососедските односи.
Жерновски остварил и повеќе поединечни средби со пратениците од баварскиот парламент, при што било истакнато значењето на донесувањето на одлуката за датум за почеток на пристапните преговори со Европската Унија во октомври оваа година.
– Европската перспектива за Република Северна Македонија е мотор за позитивни промени. Одлуката во октомври е важна за нас, за вас и за целиот регион. Датумот за почеток на преговори ќе биде заеднички успех, македонски и европски, истакна Жерновски на средбите, соопшти МНР.
Заменик-министерот истакнал дека оваа Влада е фокусирана на реформите, да ја направи државата стабилна и сигурна, членка на НАТО и ЕУ, економски силна, во која младите ќе ја препознаат својата шанса и ќе бидат граѓани со достоинствен животен стандард.
Жерновски остварил средби и со министерот за економија на Баварија, Хуберт Аивангер, министерот за животна средина, Торстен Глаубер и со министерот за образование Михаил Пазоло, а голем дел од разговорите биле посветени за унапредување на билатералната и економската соработка со Баварија.
Во тој контекст, како што се посочува во соопштението, се разговарало и за Заедничката комисија на Северна Македонија – Баварија, како одлична можност за продлабочување на економската соработка, како и за искористување на големиот инвестициски потенцијал кој оваа развиена и просперитетна германска сојузна покраина го има.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово