Загрижува растот на ЕУ-скептицизмот во Западен Балкан
Загрижува растот на ЕУ- скептицизмот во Западен Балкан, но сепак е прашање на време кога регионот ќе се интегрира во ЕУ.
Ова е заклучокот на панелистите на тема "Надминување на препреките на евроинтегративниот пат" на првиот ден од Белградскиот безбедносен самит.
"Јас сум загрижена за растот на ЕУ скептицизмот поради постојаното одложување на стартот за преговори", рече Мајлинда Брегу, генерална секретарка на Советот за регионална соработка.
За претставниците на Унијата ЕУ перспективата на Западен Балкан е реалност. Најважно е да се надмине пречката од Бугарија и Северна Македонија и Албанија да започнат преговори час поскоро, беше истакнато на Форумот.
"Загрижени сме што се зголемува ЕУ скептицизмот. Точно е дека дел од државите од Западен Балкан не ги испорачуваат реформите доволно бргу, но ниту Унијата не го прави тоа кога станува збор за ветеното. Србија бргу напредува, Северна Македонија и Албанија сторија се што е неопходно, но и натаму се во чекалната. Сепак, не е прашање дали, туку кога ќе станат дел од Унијата", рече Тасос Чацивасилеу, советник на премиерот на Грција.
Учесниците на Белградскиот безбедносен форум се сложија дека тоа што Западен Балкан ги ужива европските фондови значи дека Унијата инвестира во своите идни членки и тоа е показател дека регионот е дел од Европа.
Ова е 11-ти Форум, а годинава се одржува под мотото "Човештвото ставено на испит"'. Белградскиот безбедносен форум продолжува и следните два дена, а учество ќе земат над 80 експерти од различни сфери.
Мирјана Јовеска
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово