Заев:Пријателството меѓу Македонија и Кина основа за продлабочување на билатерално-економските односи
- Македонија и Кина имаат одлична соработка за што најдобар доказ е 25-годишнината од воспоставувањето на дипломатските односи меѓу двете држави која се одбележува годинава.
Ова било истакнато на денешната средба на премиерот Зоран Заев со делегацијата на Амбасадата на Народна Република Кина, предводена од амбасадорката Јин Лисјен.
Во таа насока, како што соопшти владината прес-служба, била изразена подготвеност за имплементирање на инфраструктурните билатерални проекти од интерес на Македонија, како и динамизирање и интензивирање на економските, културните односи и соработката во областа на транспортните услуги, образовната и научната дејност.
Амбасадорката Лисјен му ги пренела поздравите од премиерот на НР Кина, Ли Кечјанг на македонскиот премиер, како и честитките за постигнатиот договор со Грција за стратегиско партнерство и решавање на спорот со името.
Лисјен на средбата посочила дека одржувањето на пријателски односи со соседите отвора нови можности и перспективи за проширување на соработката со останатите земји, што ќе помогне за забрзан економски развој на Македонија.
Премиерот Заев и амбасадорката Лисјен разговарале и за детали од претстојниот седми Самит на шефови на влади на земјите од Централна и Источна Европа и на НР Кина (Процес 16+1), кој ќе се одржи на 7 јули 2018 година, во главниот град на Република Бугарија, Софија
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари